Павлодар облысы Екібастұз ауданы,

Құдайкөл жалпы орта білім беретін мектебінің

биология пәнінің мұғалімі

Кабылтаева Гүлгаухар Касеновна

Мақсаты:

-табиғат пен қоршаған ортаны,экологиялық ортаны аялауға,тағам өнімдерінің таза болуын қадағалауға үйрету;

-денсаулыққа экологияның зиянды әсерін түсіндіру.

Әдісі: слайдпен таныстыру,сұрақ –жауап.

Түрі: аралас сабақ.

Көрнекілігі: Слайд . «Табиғат көрінісі»-сурет (тау,өзен, орман суреттелген )

Химикаттар қосылған тағамдардың түрлері бейнеленген суреттер

Сабақтың барысы:

1.Ұйымдастыру кезеңі

2.Психологиялық дайындық

Кіріспе.

Техниканың жетістіктері қоршаған ортаның өзгеруңне әкеліп соқтырады.Жердегі тіршіліктің бәріне,әсіресе адам денсаулығына бұл жағдай өте төндіреді.

Табиғи ортаның улы қалдықпен,химиялық затпен ластануы адам денсаулығына зиянды әсер етеді.Соңғы уақытта Жер ғаламшарының климаты өзгеріп барады.Жер беті жылынып, соның нәтижесінде жауын-шашын көбейіп,қар көшкіні жиі болып жатыр,олар шаруашылық пен адам денсаулығына аса зиян.

Атмосфералық ауаның зиянды заттармен» (шаң,күл, күйе) және химиялық заттарымен ластануы да денсаулыққа ықпал етеді. Соның нәтижесінде тыныс алу,ас қорыту мүшелерінің,қанның,т.б аурулары көбеюде. Денсаулыққа экологияның зиянды әсерін азайту үшін тек таза су ішу,экологиялық таза өнімдерді пайдалану,көбінесе қала сыртында.таза ауада,өзен, көл жағасында жиі болып, серуендеу қажет. Дұрыс гигиеналық тәртіпті сақтау,жүйелі түрде денені шынықтыру және шынығу жаттығуларымен айналысу адам денсаулығын нығайтып,   ағзаның қорғаныс күшін арттырады.

Салаутты өмір салтының ережесін сақтау денсаулықты нығайтады. Ұлы адамдардың пайдалы кеңестерін есте сақтап,табиғаттыаялау керек. Ежелгі грек философы,шипагер Гиппократтың айтуынша «Табиғат-аурудың дәрігері» Дәрігер және философ Аристотель: «Біз нені қажет етсек,сол денсаулыққа пайдалы,бұл-ең әуелі су мен ауа»

Сұрақтар мен тапсырмалар:

1.Адамның теріс қылығына байланысты табиғатта не өзгереді?

2.Экологияның маңызды әсері адам денсаулығына қалай әсер етеді?

3.Экологиялық зиянды факторлардың денсаулыққа кері әсерін жою үшін не істеу керек?

4. Жақын арадағы демалыс күндерінде достарыңмен,ата-аналарыңмен табиғатта.орманда.тауда,өзенде болдыңба?

5.Экологиялық таза өнімдер дегенді қалай түсінесің?

Егер табиғат аяында болсаң одан алған сезіміңді , алған әсеріңді әңгімелеп бер.

Оқушылар өз ойларын жеткізеді.

Шығармашылық жұмыс беріледі: «Табиғатты аялайық» ойыны ойналады.

Әр бала табиғат түрлерін плакатқа жапсырып, табиғат көрінісін бейнелейтін тыйым сөздер айтады.

Үйге тапсырма:  Табиғатқа байланысты мақал-мәтелдер жазып келу.

Қортынды.