«Оксидтердің жіктелуі, алу жолдары»
Сатымова Роза Султановна
Биология,химия пәнінің мұғалімі
Зеренді ауданы әкімдігінің «Айдарлы негізгі мектебі» КММ
8- сынып
Сабақтың тақырыбы : «Оксидтердің жіктелуі, алу жолдары»
Сабақтың мақсаты :
Білімдік: Оксидтер жайлы алған білімдерін еске түсіру арқылы жіктелуін ,
атауын ,оксидтердің алу жолдарын қорытындылау.
Дамытушылық : Оқушылардың ойлау қабілетін, химиялық реакция теңдеулерін
құру ,есеп шығару дағдыларын дамыту.
Тәрбиелік : Оқушыларды ұжымдық жұмыс жасауға , ұқыптылыққа,
белсенділікке тәрбиелеу.
Көрнекілік : кесте, оқулық, кеспе карточкалар.
Сабақтың түрі : аралас сабақ.
Сабақ барысы :
І. Ұйымдастыру .
ІІ. Үй тапсырмасын тексеру :
Химиялық диктант жазу.
1. …. біреуі оттек болып келетін екі элементтен құралған қосылыстар.
2. … дегеніміз – құрамында металл атомдарымен орын алмастыруға бейім сутек атомдарынан және қышқыл қалдықтарынан тұратын күрделі заттар.
3. Қышқыл ерітінділерде түсін өзгертетін заттарды ….. деп атайды.
4. …. дегеніміз – металл атомдарынан және қышқыл қалдықтарынан тұратын күрделі заттар.
5. Ерітінділер дегеніміз – … пен …. зат бөлшектерінен тұратын біртекті жүйе.
6. …. дегеніміз – құрамына бір немесе бірнеше гидрооксотоптарымен қатар металл атомы кіретін күрделі заттар.
ІІІ. Жаңа тақырып:
Жұмбақ шешу : Фосфор жақсаң будақтап,
Ақ түтінін түзеді (фосфор оксиді )
Бір оқушы тақтаға шығып рекция теңдеуін жазады.
Енді ,оқушылар бейорганикалық қосылыстардың неше класымен таныстық , атап өтейік : оксидтер, негіздер, қышқылдар, тұздар.
Бүгінгі біздің өтетін тақырыбымыз «Оксидтердің жіктелуі, алу жолдары»
Мына сызбаңұсқаға назар аударайық
Металдардан түзілген негіздік оксидтер негіздерге сәйкес келеді.
Бейметалдардан қышқылдық оксидтер түзіледі, ол қышқылдарға сәйкес болады .
Екідайлы – екі жақты қасиет көрсететін оксидтер .
Оксидтердің құрылымдық Формуласын жазу
К О К-О-К , SO O –S
Оксидтердің алынуы
1. Жай заттардың оттекпен тікелей әрекеттесу арқылы
С+О2 —– СО 2 ; Са + О 2 —- 2 СаО ;
2. Оксидтердің әрі қарай тотықтыру арқылы :
ҒеО + О2 —2 Ғе О ; 2СО + О 2 — 2СО ;
3.Суда ерімейтін негіздерді қыздыру арқылы :
Си (ОН)2 —– Си О + Н2 О ; Ғе (ОН )3 — Ғе 2О3 + Н2 О ;
4.Тұздарды қыздырып айыру арқылы :
СаСО 3 — Са О + СО2
5. Күрделі заттарды жандыру арқылы
СН 4 + 2О2 — СО2 + Н2 О
ІҮ. Бекіту :
Есептер шығару (карточкамен )
1-карточка
15,5 г фосфор оттегімен әрекеттескенде неше грамм фосфор (Ү) оксиді түзіледі?
2-карточка
16 г күкірт неше грамм кальциймен әрекеттеседі ?
3- карточка
28 г кальций оксиді неше грамм азот қышқылымен әрекеттеседі ?
4-карточка
20 г кальций неше грамм сумен әрекеттеседі ?
5-карточка
15 г кальций карбонаты айырылғанда неше грамм кальций оксиді түзіледі?
Ү.Үйге тапсырма : 44
Ақмола облысы
Зеренді ауданы
Айдарлы негізгі мектебі
Химия пәнінен аудандық семинарда өтілген ашық сабақ жоспары.
Сабақтың тақырыбы: «Оксидтердің жіктелуі»
8 – сынып
Өткізген: Сатымова Р.С.