Бакирова Айнур Райымкуловна
КМҚК «Қарлығаш» балабақшасының тәрбиешісі

Білім беру салалары:  Әлеуметтік орта  (қатысқан бала саны-20)

Бөлімі: Экология  негіздері

Тақырыбы: «Бөлме өсімдіктерін  күту».

Мақсаты: Балаларға бөлме өсімдіктері туралы білімдерін кеңейту .

Білімділік міндеттері: Гүлдердің құрылысымен таныстыру, оларды

күтіп, баптауға үйрету, қалай топыраққа отырғызу жайында көрсете

отырып, түсіндіру.                                                                                                   Дамытушылық міндеттері: Сөздік қорларын, ойлау, қиялдау қабілеттерін дамыту.                                                                                                               Тәрбиелік міндеттері: Табиғаттағы гүлдерді сүюге, оларға қамқорлық көрсетуге тәрбиелеу.                                                                                                                                                   Әдіс –тәсілдер:Көрсету,түсіндіру,сұрақ-жауап.                                                                                                             Қостілдік компонент: Бөлме өсімдіктері – комнатные растения, гүл  отырғызу – посадить цветок, топырақ – почва, тамыр – корень.

Шаттық шеңбері:

Балалар шеңберге тұрып,педагогпен бірге бүгінгі күндеріне сәттілік тілейді.                                                                                                        Жарқырап күн де ашылды,                                                                                                                     Айналаға гүл шашылды.                                                                                                                               Біз-нәзік қыздармыз!                                                                                                                                       Біз-ержүрек ұлдармыз!                                                                                                                                  Көк аспанда күн күлсін,                                                                                                                               Бірге жүрсін бүлдіршін.                                                                                                                             Қыз қолында гүл жүрсін.                                                                                                                                 Ұл қолында ту жүрсін!                                                                                                                    Қайырлы күн ,достарым!

Тәрбиеші: -Балалар табиғат дегеніміз не?                                                                                   –Балалар; Қоршаған орта:су,тау, жер

-Табиғаттың бір бөлігі гүлдерге  тоқталамыз.Гүлдер бау-бақшаның сәні,әрі біздің досымыз.                                                                                                                                                        -Балалар сендер қандай гүлдерді білесіңдер?                                                                                      Балалар: раушан гүл ,кактус  ,қазтамақ,фикус,,                                                                                                                       -Гүлдердің  қандай пайдасы бар?                                                                                                     Балалар: Ауаны тазартады                                                                                                                            -Гүлдер не үшін керек?                                                                                                                            Гүлдер қайда өседі?                                                                                                                           Балалар : уйде,далада,гүлзарларда.                                                                                                          – Гүлдер әдемі болып өсу үшін не қажет?                                                                                              Балалар :су,ауа,күннің көзі                                                                                                                               -Балалар , гүлдер қалай қоректенеді  екен ?                                                                                                  -Осыған байланысты мен сендерге бір жұмбақ жасырамын,барлығын мұқият тыңдаңдар.                                                                                                                Құлпырса  қадірлейді ,аялайды                                                                                                              Қураса сыпырғышқа жарамайды. Ол не?                                                                                                 Балалар :Гүл                                                                                                                                                 Гүл.                                                                                                                                                              Үйде тұрып өсетін,                                                                                                                                               Әкеп гүлдің көшетін.                                                                                                                          Топырақты салдым да,                                                                                                                        Отырғыздым қалбырға.                                                                                                                                  –Тәрбиеші :балалар,бұл өлең не жайында?                                                                                                            Балалар: гүл жйында                                                                                                                              -Осы кезде есік қағылып, қолында суға саланыған гүлі бар Дымбілмес келеді- Сәлеметсіңдер ме, балалар! Мен сендерден көмек сұрауға келдім.                                                                                               -Маған досым бір гүл беріп еді, енді оны не істерімді білмей тұрмын, маған көмектесесіңдер ме? Балалар әуелі Дымбілмеске гүлдер туралы тақпақ айтып береиік.                                                                                                                    Амина : Гүлдер, гүлдер көп гүлдер,                                                                                                                        Қызыл, жасыл, көк гүлдер                                                                                                                     Тұра берші жайқалып,                                                                                                             Бақшамызда көп гүлдер

Руслан: Қызыл –жасыл гүл егіп,

Баптап,күттік,түрлеттік,

Қалмасын деп қуарып,

Апта сайын суардық.

Анна:      Арасында гүлдің,

Ойнап бүгін жүрдім

Қызыл ,көкшіл,сары

Әп-әдемі бәрі.

-Олай болса балалар, Дымбілмес бәрің маған жақынырақ тұрыңдар.

-Ал, Дымбілмес гүліңді бізге бере ғой, қазір біз бәріміз бірге оны топыраққа ортырғызамыз.

– Бұл гүлдің аты – «Барқытгүл» деп аталады. Ал енді қараңдаршы гүлдің сабағында не өсіп тұр?

– Ал тамыры шыққаннан кейін гүлді не істеуіміз керек?

– Еді топырақтан кішкене шұңқыр жасап гүлі отырғызамыз. Содан соң оған су құямыз. Ал енді осы табиғат бұрышымыздағы гүлдерге назар аударыңдаршы,олардың айырмашылықтары бар ма?

– Дұрыс айтасыңда бұл гүл «Кактус» деп аталады. Ал мына гүлдің аты «Аспедистро», «Қазтамақ», «Фикус» деп аталады. Осы сияқты әрбір гүлдің өз аты, ерекшеліктері болады.  Айтыңдаршы біз гүлдерді не үшін өсіреміз?

– Өте, жақсы дұрыс айтасыңдар. Тобымызда неғұрлым гүл көп болса соғұрлым ауамыз таза болады екен. Гүлдер жапырақтарына шаң тозаңдарды жинап алып, бізге таза ауаны жіберіп тұрады екен. Сондықтан біз гүлдердің шаңдарын сүртіп, тазартып отыруымыз керек.

Сергіту сәті :

Шаршағанда ырғалып,

Гүлге ұқсап демалам,

Қанатты бір қағып,

Гүлдей болып жайқалам.

Дидактикалық ойын: «Гүлдерді ажырат»

Шарты: Үстел үстіне бірнеше гүлдер қояды, балалар оларды ажыратып дала және бөлме гүлдері екенің табады.

Дамбілмес:-Рахмет,балалар,сендер әдепті,білімді екенсіңдер.

Бөлме  өсімдіктері туралы көп мағлұмат алдым.Енді менде гүлдерімді күтіп,баптап тұрамын.

Сау болыңдар!!!

Оқу іс-әрекетін қорытындылау:                                                                                                                    -Балалар бүгін бізге қонаққа кім келді?                                                                                                -Біз қандай бөлме өсімдіктерімен таныстық?                                                                                   -Гүлдің сырт келбеті қанда?                                                                                                               -Бөлме өсімдіктерінің қандай пайдасы бар? Жақсы қатысқан балаларды мадақтау.Қатыспай отырған балаларды алға тартып ынталандыру.                  Қоштасу шеңбері:                                                                                                         Біз ерекше баламыз                                                                                                  Шырқап әнге саламыз                                                                                               Жақсы оқып оқуды                                                                                                      Ылғи  алда боламыз.

Осымен біздің «Бөлме өсімдіктеріне» арналған ашық оқу қызметіміз өз мәресіне жетті.                                                                                                             Бағалау және мадақтау.                                                                                                                            Күтілетін нәтежие:                                                                                                                                Нені біледі: Гүлді топыраққа отырғызуды, гүлдердің атауларын, олардың пайдасын.                                                                                                                 Қандай түсініктерді игереді: Қазтамақ, Аспедистро, кактус, фикус ауаны тазарту.                                                                                                                   Меңгерген дағдылары мен іскерліктері: үлкеннің айтқанын тыңдау, көрсеткенді тез ұғып алу, өсімдіктерге қамқорлық көрсету.