Бекен Алмагул
Шортанды аудандық білім беру бөлімінің жанындағы МКҚК «Балауса» ясли-бақшасының тәрбиешісі

Сабақтың мақсаты:                                                                                                 1. Балаларды қазақ халқының салт-дәстүрлерімен таныстыру.                                                         2. Туған жерге, елге деген сүйіспеншілігін арттыра отырып, балалардың тілдерін, ойлау қабілетін, сөйлеу мәдениетін дамыту.
3. Дәстүрден тыс әдіс – тәсілдері арқылы балалардың бейнелеу өнеріне деген қызығушылығын ояту,балалардың бойында шығармашылық  ізденіске деген құштарлықты арттыру.

Әдіс-тәсілдері: әңгімелеу, сергіту сәтті-ойын,саусақ жаттығу,сұрақ-жауап, қорытынды.
Қажетті көрнекіліктер: балаларға байланысты салт- дәстүрі бейнеленген слайд, жайлау бейнеленген үстел үстіндегі қуыршақ театр,сурет салуга керекті құралдар.
Тәрбиеші: Сәлеметсіздер ме, балалар! Балалар, қараңдаршы біздерге бүгін қонақтар келіпті.Қане, бәріміз шеңберге тұрып, қонақтармен амандасайық…

Шаттық шеңбері: Жарқын, жарқын үніміз,

Болашақтың күніміз

Балалық шақ үйінің

Жайнап тұрған гүліміз.

Сәлеметсіздер ме, қонақтар!

Хош келдіңіз бәріңіз!

Тәрбиеші: Жарайсыңдар балалар, қазақ халқы баласын өзінің өмірінің жалғасы ұрпағы болғандықтан, дүниеге келген сәбиін өсіп азамат болғанынша ардақтап, оларға арынап ырымдап әр түрлі тойлар жасап отырған.                                                                                                                        Слайд:  Бесікке салу, Қырыққынаң шығару, Тұсау кесер, Сүндет той, Баланы атқа мінгізу,тойлары.

Сол көптеген тойлардың бірі «Баланы атқа мінгізу» дәстүрмен біз танысамыз.

Кіріспе әңгіме: Үстел үсті қуыршақ театры арқылы көрсету

Ертеде бір кемпір мен шал болыпты. Олардың Арман атты  немере ұлдары бар екен. Ол өсіп 5-жасқа келді.Бір күні атасы мен әжесі ауыл адамдарын жиынап, немересінің алғаш атқа міну қуанышына той жасайды. Атасы мен әжесі үшін бұл үлкен қуаныш,келер күннің жақсы үміті. Атасы Арманға арнайы ашамай яғни айшықты ер жасап береді. Ал көпті көріп, көп жортқан қариялардың бірі Арманды: « бісміллә рахман-рахим!» деп қос қолмен көтеріп атқа мінгізді:Міне бүгін азамат боп атқа қондың, өмір жолың ашық болсын, дұшпаның қашық болсын! деп бата береді. Осыдан кейін ауылды айналдыра жүргізіп,жиналып тұрған үлкендерге сəлем бергізеді. Әжелер,аналар  Арманың атқа міну құрметіне шашу шашып, ересек балалар таймен жарысып, бірімен-бірі күресіп, түрлі ойындар ойнаған.

Балалар ендеше бізде ойын ойынайық.

Сергіту сәтті: «Соқыр теке» ойыны

Ойыншылар:

Соқыр теке бақ,бақ

Біз айтамыз тақпақ

Мықты болсаң, кәнеки

Бірімізді тап, тап

Соқыр теке:

Мен текемін бақ, бақ

Қимылдаңдар сақ, сақ

Ал ұстадым мінеки

Шығып кеті-ау қап,қап

Шығармашылық жұмыс:Балалар Арман алғаш рет атқа мінді,біз оган кішкентай күшік сыйлайық.                                                                                            Жұмыс барысы үлгіге қарап түсіндіріледі:
–  гупка және мақталы таяақша арқылы бастырып күшіктін суретін салу
– балалар, сурет салмас бұрын саусақтарымызды жаттықтырамыз.

Саусақ жаттығу: «Отбасы»

Бір үйде біз нешеуміз?                                                                                                  Кел санайық барымыз.                                                                                                         Бас бармақ -атам,                                                                                                              Балаң үйрек-әжем,                                                                                                             Ортан терек-әкем,                                                                                                     Шылдыр шүмек-анам,                                                                                                Кішкентай бөбек-мен.                                                                                                                                  Бір уйде нешеуміз ?                                                                                                                     Бір уйде біз бесеуміз.                                                                                                               – Балалардың жасаған жұмыстарын тақтаға ілу.

Қортыңды:

– Бүгін қандай дәстүрмен таныстық?
– Атқа мінгізу дәстүрмен таныстық
– Ашамай дегенміз не?
– Балаға  арнап жасалған айшықты ер екен.
– Жарайсыңдар барлықтарын оқу іс-әрекеріне жақсы қатыстыңдар!