Сынып сағаты “Бастауышым – мақтанышым!”


Павлодар қаласы,

Екібастұз,

«№19 Арнайы жалпы білім беру мектебі»

бастауыш сынып мұғалімі

Кенжетаева Гульзираш Маукеновна

Мақсаты: Оқушылардың бастауыш сыныпта алған білімдерін қорытындылау мақсатындағы сынып сағатында өлеңді дауыс ырғағына салып мәнерлеп оқуға үйрету,өз Отанына, мектебіне, ұзтазына, ата-анасына деген сүйіспеншіліктерін арттыру.

Ойлау, есте сақтау қабілеттерін арттыру, қызығушылықтарын ояту.

Көрнекіліктер: Стенд «Күншуақ», слайд, шарлар. гүлдер.

 

1-оқушы-Жансая:

Армысыздар,мұғалімдер,әз жандар,

Білім іздеп, инемен құдық қазғандар.

Құшақ жая қарсы аламыз сіздерді,

Би биленіп, ән де бүгін шырқалар.

 

2-оқушы-Арман:

Қош келіпсіз, ақ жаулықты аналар,

Жүздеріңнен мейірім мен нұр тамар.

Алдарыңда жауқазындай құлпырған,

Біз алаңсыз, балғын шақты балалар.

 

3-оқушы-Жансая: Бүгін біз сауатымызды ашып, 4-жыл бойы білім берген, оңымыз бен солымызды танытқан алғашқы ұстазымызбен қоштасқалы отырмыз.

 

4-оқушы-Бауыржан: «Ұстаздық еткен жалықпас, үйретуден балаға»- деп Абай атамыз айтқандай ұстазымыз бізге көп нәрсені үйретті. Сондықтан алғашқы ұстазымыз-Гүлзираш Маукенқызына мың алғыс !

 

Бауыржан: Өтті оқу сан сабақ,

Бүгін үлкен салтанат.

Оқулықпен достастық,

Бастауышпен қоштастық.

 

Жансая: Оқытты ұстаз-анамыз,

Өсті білім санамыз .

Білгіш ер боп өсетін,

Біз бақытты баламыз.

 

Арман: Бойымызда бұла күш,

Еркін өскен ұланбыз.

Оқу – білім үйреткен,

Ұстазыма мың алғыс!

 

Ән: «Ақылшым-мұғалім»

Мұғалім: Жақсы, балалар, сендер осы білімді қайда аласыңдар?(Мектепте)

Ендеше, балалар, қазір сөзжұмбақ шешеміз. Бәрің мені мұқият тыңдаңдар.

«Мектеп» сөзжұмбағын шешкізу.

Бауыржан: Сәлем саған мектебім,

Алғыстарым көп менің.

Оқу-білім, тәрбие,

Ой – санама еккенің.

 

Арман: Мектеп, мектеп, бұл мектеп,

Оқыған ата-анамыз,

Атыңды сенің құрметтеп,

Әрқашан еске аламыз.

 

Жансая:

Ыстық мектеп партасы,

Оқулығы, картасы.

Мұнша қызық болғаны,

Мұғалімнің арқасы.

Алғыстарым көп менің

Асыл анам мектебім. «Мектебім» әні орындалады.

 

Мұғалім: Жақсы, балалар, рахмет сендерге! Шаршаған шығарсыңдар, мына жерге жайғасып, отырыңдар.

Келесі бөлім: «Білім еліне саяхат» деп аталады.Балалар, қазір сендер әр пән бойынша алған білімдеріңді сынға саласыңдар. Өздерің жаттаған өлең-тақпақтарыңды айтып, ребустар шешіп, жұмбақ есептер шығарып, көріністер көрсетіп, ән айтып, би билейсіңдер.

Алдымен ана тілінен жаттаған тақпақтарымызды есімізге түсірейік. (Оқушылар өздері жаттаған тақпақтарын айтады.)

Мұғалім: Жақсы, балалар, енді бәрің маған қараңдар. Мына сөзді оқып көрейік.

1001- мақал, 101-жұмбақ . Қазір мен сендерге карточкалар таратамын, сендер сонда жазылған сөйлемдерді оқып, тапсырмаларды орындаймыз.

  1. 2 жақсы қас болмас,

2 жаман дос болмас.

  1. 1 кісі қазған құдықтан,

1000 кісі су ішеді.

  1. Білгетінің бір -9

Білмейтінің – 99.

  1. 7 жұрттың тілін біл,

7 түрлі білім біл. (Сөйлемдерді оқу, талдау сын ес»м, сан есімдерді табу.)

Мұғалім: Жақсы, балалар, отырыңдар. Енді қонақтарға 2-3 көрініс көрсетейік.

Ө. Тұрманжанов. «Неліктен» (Жансая- Бауыржан)

О. Әубәкіров: «Бауырсақ» ( Жансая-Арман)

«Бай мен Алдар» (Бауыржан-Арман)

Енді, балалар, бәрің мына суреттерге қараңдаршы, бұлар нелер? (Пішіндер)

Мұғалім: Әрине, бұлар «Көңілді пішіндер.» (Пішіндерге тоқталу, талдау.)

Мұғалім: Балалар, қазір мен сендерге жұмбақ-есеп оқимын, мұқият көңіл қойып тыңдаңдар.

  1. Тал басында тізіліп,

10 жапырақ түр еді.

Жел соқты да үзіліп,

Ұшып кетті 2-еуі.

Ізінше оның жұлынып,

Түсті тағы 5-еуі

Тұр әлі де ілініп,

Жапырақтың нешеуі? (10-2-5=3)

 

  1. Бір-бірімен жарысқан,

2 аю, 1 арыстан.

2 қоян, 3 түлкі,

Бәрі неше ойлан сен? (2+1+2+3=8)

 

  1. Алшаға кеп күнара,

Қонушы еді 1 ара.

Бүгін 9 туысын

Ертіп келді бұл ара,

Сонда бүгін алшаға,

Келіп қонды қанша ара? (10 ара)

 

  1. Менде де бар 1 мысық,

Сен де де бар 1 мысық,

Менде бар 1 күшік,

Сенде мүлдем жоқ күшік

Бізде қанша мысық бар

Шешуін тез таба алсаң,

Сен мендегі күшікті ал. (2 мысық, 1 күшік.)

 

  1. Бес бұтақты қайыңда

Бұтақ сайын 5 алма.

Біреуін бер Сайынға,

Сонда қалды неше алма?

 

  1. Бір топ бала тоғаннан

15 балық ұстады.

Бөліскенде оларды,

Тиді әркімге 3 балық.

Сынайын мен сендерді,

Бала сонда қанша еді? (15 :3=5)

 

  1. 5 бұтақты ағашта,

Бұтақ сайын 5 алма.

Біреуін бер Сайынға,

Сонда қалды неше алма?

 

Р е б у с т а р   ш е ш у :

6Н, 7М, 5 тас, 5 ік, 40 аяқ.50,

  1. 2санын 5рет жаза отырып, және : , + амалдарын пайдалану арқылы 7 санын шығарып алу. (2 : 2 + 2+ 2+ 2 =7)
  2. Теңдеу шешу.

Х+23=60                          Х-25=46                                         24-х= 9

Х=60-25                            Х=46+25                                         Х=24-9

Х=37                                 Х=71                                              Х=15

37+23=60                         71-25=46                                         24-15=9

60=60                                  46=46                                            9=9

 

Мұғалім : Жақсы, балалар, енді біраз дем алайық, ән тыңдайық.

Жансаяның орындауында ән: «Қошақаным»

Би: «Қаражорға»

Балалар, сендердің қамдарыңды ойлап, әрқашан сендерге қамқор болып жүретін

Бір адам бар, ол кім? (Ол ана)

Жақсы, ендеше сол аналарға рахметімізді білдірейік.

1-Арман

Еркелесем, күлімдейтін,

Ұрысқаны білінбейтін.

Маңдайымнан иіскеп менің,

Құлыншағым, күнім –дейтін.

2-Бауыржан

Әлемдегі ақылды адам,

Бәрінен сол жақын маған,

Ол жанымда жүрсе менің

Батырларша батылданам.

3-Жансая

Жамандықтан сақтандырып,

Жақсы ісімді мақтан қылып,

Әлпештеген анашымды,

Жүрсем деймін шаттандырып.

Ән: «Ақ мамам»

Көрініс:«5 алдым»

 

Мұғалім: Оқыңдар деп ұл-қыздарым,

Күлімдеген ұстаздар.

Ән-би арнап сіздерге

Тағзым етем ұстаздар.

КөрінісӘ н   с а б а ғ ы н д а»

 

Ән : «Жаңбыр»

Жақсы, балалар, сендер мен үшін мектепте оқушысыңдар, ал бір-бірің үшін сендер кімсіңдер? (Достармыз)

Ендеше бәріміз (Достарым) әнін шырқайық.

Бұдан соң мұғалім, ата-аналар сөз алады.

Метки:

Добавить комментарий

Ваш адрес email не будет опубликован. Обязательные поля помечены *