«Білім мен ғылымның қоғамдағы рөлі» ашық сабағы
Кайбалдина Айгул Утеумаганбетовна
Ақтөбе қаласы №38 қазақ орта мектебінің тарих пәні мұғалімі, тарих магистрі
9 класс Адам. Қоғам. Құқық
Сабақтың тақырыбы: Білім мен ғылымның қоғамдағы рөлі
Сабақтың мақсаты:
Білімділік: оқушыларға қоғамдағы басты құндылық – білім мен ғылымның қажеттілігі, білімді адамның көрсеткіштері туралы түсінік беру.
Тәрбиелік: азаматтық, мәдениеттілік, сыпайылыққа тәрбиелеу.
Дамытушылық: Білімді өмірлік тәжірибесінде қолдана білуге баулу.
Әдіс– тәсілдер: тірек сызбалар, «қызықты сұрақтар», «мағынаны тану», оқулықпен жұмыс,
Сабақтың барысы:
Жаңа сабақ
- «Қызықты сұрақтар»
а) Алғаш рет сыныпқа кіммен келдің?
ә) Партада кіммен отырдың?
б) Білім туралы қандай мақал-мәтел білесіңдер?
в) 1- қыркүйекті неге Білім күні деп атаймыз?
г) Қыркүйек айы қай мезгілге жатады?
ғ) Бүгінгі тақырып не туралы болады деп ойлайсыңдар?
Мағынаны тану: «Адамның бойындағының бәрі – оның келбеті де, киімі де, жан дүниесі де, ойы да сұлу болуға тиіс… Мен көркі мен киіміне қарағанда көз сүйсіндіріп, бас айналдыратын адамдарды жиі көремін, ал жан дүниесіне үңілсең – Құдай сақтасын! Көз тартар сыртқы қабықтың ішіндегі жанның лас болатыны сонша, оны ештеңемен жуып кетіре алмайсың»
- Бұдан автор не айтқысы келді деп ойлайсың?
- Оқулықпен жұмыс
-«Жастардың тиянақты, сапалы білім алуы» үшін не қажет?
– «Өздігінен білім алу»
– «Білімді өмірлік практикада қолдана білу» (мәдениеттілік, сыпайылық, қарапайымдылық, кішіпейілділік)
– «Жеке адамның көрсеткіші» (шыншылдық)
- Пікір алмасу
Елімізде қажетті мамандықтар беретін ЖОО көп. Дарынды студенттер «Болашақ» бағдарламасы арқылы шетелге білім алуға жіберіледі.
Адамның қабілеті бір мамандық емес, бірнеше саласын меңгеруге мүмкіндік бар:
Ш. Уәлиханов – географ, тарихшы, саяхатшы, суретші;
Қ. Сәтпаев, Е. Букетов – техникалық ғылымды гуманитарлық саламен ұштастырды;
А. Байтұрсынов – ақын, әдебиет зерттеушісі, лингвист, педагог, саясатшы.
Қорытынды: «Білім өлсе – қағазда аты қалады, өнерлі өлсе – істеген заты қалады».
Адамның бойында қандай қасиеттер болады? Өз бойыңдағы қасиеттерді екіге бөліп жаз. Бірінші бағанға жақсы қасиетіңді, екінші бағанға жаман қасиетіңді.
– Білімді адам қандай болады?
– Жақсы қасиет туралы қандай өлең білесің?
Қорытынды: «Бес нәрседен қашық бол, бес нәрсеге асық бол»
«Адамның мәдениеттілігі сыртқы пішінінен көрінеді» деген сөздің мағынасын түсіндір.
– қазіргі жастардың киіміне қандай ой айтасың?
– «мұсылмандық діндемін» деп қап-қара бет-аузын жапқандарға көзқарасың…
Қорытынды: Абай «кірсіз, сыпайы киініп, һәм ол киімін былғап, былжыратып кимей, таза кимек дұрыс іс»
Бекіту
- Шығармашылық жұмыс:
«Адам мәдениеттілігі» не «Білімнің қажеттілігі» эссе жазу.
Қорытындылау
– алған білімің не үшін қажет?
– білім берген мұғалімнің еңбегі қандай?
– ұстазыңа қандай баға бересің?
– ұстаздың еңбегін бағалау шәкірттердің қандай істерінен білуге болады?
– жеке адамның мәдениеттілік өлшемдерін ата.