Искендир Гульмира Алимовна
Ақмола облысы Зеренді ауданы
Баратай негізгі мектебі
Физика және информатика пәні мұғалімі

 “Логикалық есептер” 

Ойынның мақсаты:

1. Оқушылардың әр пән бойынша міндетті оқу жұмысын толықтыру,бағдарламаға сйкес пәндерді терең меңгертуге мүмкіндік беріп,өз дәрежесінде көрсете білу;
2. Оқушының ой-өрісін кеңейте отырып,білімділікке,жылдамдылыққа,тапқырлыққа,өз ойын ашып айтуға тәрбиелеу;
3. Оқушылардың білімдерін сыныптан тыс жұмыстар жүргізу арқылы нығайту.Олардың қызығушылығын,талпынысын дамыту.

 І.Ұйымдастыру кезеңі:

Ойын-толқын,  айналған қатты ағысқа,

Табылғандай таным да, жат дауыс та.

Біреу озып келеді қатарынан,

Біреу мініп жатқанда аптығыста.

Ойын-толқын, жатқандай асып, тасып,

Біреу мығым, біреулер шалыс басып.

Бұл ойыннан өтеді ғұлама ойлар,

Жеңсең де, жеңілсең де қалма жасып.

Ең алдымен сіздерге осы ойында әділ бағасын берер әділ-қазылар алқасымен таныстырып өтейік.

1. ——————————————————————————————–
2. ——————————————————————————————–
3. ——————————————————————————————–

Көңілді тапқыштар, білгіштер
Бар өнерін салады,
Кім білімді, көп оқыған болса егер,
Бүгінгі күн жеңімпазы болады, – деп бүгінгі ойнымызды ашуға рұқсат етіңіздер.

Апталықтың басында  бөлінген екі топ: «Тапқырлар» мен «Алғырлар»-сәлемдесулері.

1кезең:«Бой сергіту»

Бұл кезеңде әрбір топқа 10 сұрақ оқылады. Дұрыс жауап болса, онда 1-сұрағына 1-ұпай беріледі. Егерде жауап бере алмаса басқа командаларға жауап беруге болады.

1 топқа

1. Екі қолда қанша саусақ бар, он колда ше?(10, 50)
2. Заттың үш күйі бар.(иә)
3. Түйе 10 пұт жүкті 1 сағат бойы көтеріп тұрса, 1000 пұт жүкті қанша уақыт көтеріп тұра алады?,

(1 cағат)

4. Колонка не үшін?
5. Желді күні асфальт беті тез кебеді.(иә)
6. Температураны өлшейтін құрал-динамометр.(жоқ)
7. 3 жұмыртқа 3 минутта піседі, ал 5 жұмыртқа неше минутта піседі? (3)
8. Күштің өлшем бірлігі-Паскаль?(жоқ-Ньютон)
9. 1 т мақта ауыр ма, 1 т темір ауыр ма? (тең)
10. Монитор не үшін?

2 топқа

1. Пернетақта не үшін?
2. Жылу мөлшерінің өлшем бірлігі-Джоуль.(иә)
3. Бір жанұяның 5 ер баласы, және олардың әрқайсысында қарындастары бар. Жанұяның қанша баласы бар? (6)
4. Табиғаттағы сан алуан өзгерістер – табиғат құбылысы ма? /ия/
5. 1 т мақта ауыр ма, әлде 1000 кг темір ауыр ма? (тең)
6. 4 пен 5-тің арасына қандай таңба қойылғанда 4-тен артық, 5-тен кем сан шығады? (үтір)
7. Массаның өлшем бірлігі-килограмм.(иә)
8. Егер тырна 1 аяғымен тұрса 3кг тартады, ал екі аяғымен тұрса оның салмағы қанша? (3 кг)
9. Принтер не үшін?
10. Үстел беті төрт бұрыш, оның бір бұрышын кесіп алсақ, неше бұрыш қалады?(5)

 

 3 кезең: «Тіл-өнер»

1. Бар ма,жоқ па оны білмейсің,

Ол жоқ жерде өмір сүріп жүрмейсің

(ауа-воздух-an-air)

2. Аса қажет өмірде халық үшін

Пайдаланар күн сайын жарық үшін

(ток-ток-energy)

3. Жоқ өзінде бас та,қас та,мойын да,

Ұзындығы жазулы тұр бойында

(сызғыш-линейка-a ruler)

4. Бір-бірімен жарысқан,

Төрт аю бар,арыстан.

Екі қой мен бір түлкі,

Бәрі нешеу кім болды?

(сегіз-восемь-eight)

 

4 кезең: «Сиқырлы әріптер»

Бұл кезеңде екі топқа анаграмма беріледі:

1. Ринперт-  принтер;

Тақперне-пернетақта;

Сорцеспро-процессор;

1. Нантдисмикри –дискриминант;

Ллельрапа – параллель

Тдеуең –теңдеу;

1. Туператемра –температура

Киграммло-килограмм

Монамикадитер-термодинамика

 

5 кезең: «Мақал-мәтелді толықтыр»

«Тапқырлар» тобына:

1…. (екі) жақсы қас болмас,…(екі) жаман дос болмас.

2. Досыңды (үш) күн сынама,(үш) жыл сына.
3. Білгенін бір (тоғыз),білмегенің….(99)

4…. (10)рет айтқаннан(1)рет көрсеткен артық.

5.Болар бала …-інде (15) баспын дейді,болмас бала …(25)-інде жаспын  дейді.

«Алғырлар» тобына:

1.Жерді (екі) рет жыртқан,өнімді (екі) есе алады

2. (1)… күн тұзын татқанға,… (40) күн сәлем

3.Жақсы жігіт (15)-інде жас емес,…(100)-ге келсе де пәс емес.

4.(6-ау) ала болса ауыздағы кетеді,…(4) түгел болса төбедегі кетеді.

5.(6) жыл аш болсаң да атаңның салтын ұмытпа.

 

                                                     6 кезең: Логикалық есептер

1  топқа:

1) Бір баланың жасы үш жылдан соң бұрынғы жасынан 2 есе артық болады. Ол қанша жаста?           (үште)

2) Үш ат жегілген шана бір сағатта 15 км. жүріп өткен. Әрбір аттың жылдамдығы қандай еді?           (15 км/сағ)

 

2 топқа:

1) 5 адам кездесіп қалып бір – бірімен қол алысып амандасты. Барлығы қол алысу саны қанша?              (10)

2) Ұшақ Семейден Алматыға дейін 1 сағ. 20 минут ұшады, ал кері 80 минут ұшады. Бұл айырмашылықты қалай түсінесің?  (екеуі тең)

Қосымша тапсырмалар:

Табиғатта заттар көп. Солардың біреуі туралы. Ол қандай зат?

1.Оны үйкелісті азайту үшін қолдануға болады.

2. Оны қыздыру,суыту үшін қолдануға болады.
3. Үлкен адамдардың организмінде 65% бар.

4.Оның үш күйімен біз жиі кездесеміз.           (су)

******************************************************************************

3) “ Екі қарға ”. Екі қарғаның біреуі оңтүстікке, біреуі солтүстікке қарап отыр. Олар біріне –бірі:
–         Достым, мен сені көріп отырмын, – дейді.Олар бірін – бірі қалай көреді?
(Қарғалар бір-біріне бетпе-бет отырғандықтан, олар бірін – бірі көреді.)

******************************************************************************

 

Математика ,информатика, физика,  болашаққа бастайды

Келешекке білім қуған жастарды

Қадам басып 21-ші ғасырға

Барлық әлем жаңалығын тастайды – дей отырып сөз кезегін әділқазыларға берейік.

 

Бүгінгі көріп тамашалаған интеллектуалды ойын  “Озық ойлы оқушылар” ойыны өз мәресіне жетті. Зейін қойып тыңдағандарыңыз үшін алғысымыз шексіз!

Метки: "Логикалық есептер"