«Тіл тағдыры-ел тағдыры» тақырыбына бейнероликке сценарий
Мутиева Саягүл Батихоллақызы, Қозбағар Жақсыгүл Мұратқызы
«Тұран-Астана» университетінің студенттері
Бейнеролик.Сценарий
Ақсақал үйінде жалғыз.Жалғыз ұлы қалада жұмыс іздеп,сонда тұрақтап,отау құрғанына 5 жылдан асып барады. Күнделікті шаруасымен жүргенде кенет сыртқы қақпадан әлдебіреулердің мәшинеден түскенін естіді.
-Ешкімді күтпеп едім ғой,бұл кім болды екен,ә?,-деп іштей күбірледі.
-Дедушкаааа,-деп немересі жүгіріп айқай сала кірді.
(осы жерде ұлы,орыс келіні артынан кіріп келе жатты.)
Қуанышын жасыра алмаған ақсақал:
-Келеміз деп айтпадыңдар ма?Ләвкіден (лавка) прәдуті (продукты) алатын ем ғой,-деп келініне бір,ұлына бір қарады.
Ұлы сәлем салсаңшы дегендей әйелін түртіп қойды.
Сағынысып көрісіп,немересін иіскеп отырып ақсақал сұрақ қойды:
-Ал,Арсен мен кіммін?
-Ты дедушка!,-деді жымиып.
-Қазақша айтшы,қа-зақ-ша.
-Нууу…Не помню как…
-Жарайды,ал ұлтыңды айтшы.
«Ұлт» деген сөзге онша түсінбеген ол әкесіне қарады.
-Сыночек, «ұлт» это национальность.
-а,я понял. Значит, я русский. Потому что,я же на русском общаюсь.
Арсеннің айтқанынан әлі де ой үстінде отырған ақсақал ұлын өзіне шақырды.
-Әке,бәрі дұрыс па?Ойланып кетіпсіз ғой.
Ақсақал терең демалды.
-Балам,ауылға көшу ойларыңда жоқ па?
Ұлы сасқалақтап:
-Ж-жоқ,жай сұрадыңызба?
-Арсенжанды айтам (далада ойнап жүрген Арсенге қарады) Қазақ бола тұра,русскиймін дейд.
-е-е,әке,кішкентай ғой,не айтқанын білмейді.
Әкесі ұлына қарады да:
-Баланы бастан демекші,кішкентай болса да,оңды солын үйрету керек.Арғы тегі-қазақ.Тілі-қазақ тілі.
-Енді,әке,ортасы-орыстар,анасы орыс…солай
-Тәйт!(әкесінің даусы қаттырау шықты)Әкесі-қазақ емес пе? «Өзге тілдің бәрін біл,өз тіліңді құрметте».Мен орысша сөйлемесін демеймін,мейлі өз еркі.Бірақ ана тілі бірінші орында тұруы керек. Тіл мәртебесі-ел мәртебесі. Болашағымыз жастардың қолында.Әр бала өз тарихын,тілін білуі керек.Ойлан,балам.
Келесі күн.Ұлы мен келіні кетуге ыңғайланып жатыр.Ақсақал қақпадан шығып,ұлы мен келінін шығарып салып,қол бұлғап қалды.Үйге кіріп:
-Арсенжан,жүр,бүгін көрші үйге барып,қазақша үйренеміз деді жымиып.