Ғылыми жоба “Адыраспан өсімдігінің халық медицинасында қолданылуы”
Авторы : Мырзатаев Нұрбек Маратұлы
4 курс студенті
Жетекшісі: химия-биология пән оқытушысы
Джуматаева Н.Х
Батыс Қазақстан облысы, Орал қаласы
Жаханша Досмұхамедов атындағы педагогикалық колледжі
Абстракт
Зерттеудің мақсаты:
Адыраспан өсімдігінің халық медицинасында қолданылуы,яғни оның қандай ауруларға ем болатынын және пайдалану үшін әзірлеу тәсілдерін анықтау, зерттеу.Емдік қасиеттерін насихаттау және қолдану.
Зерттеудің ғылыми болжамы:
Адыраспан өсімдігінің медицина саласындағы деңгейін көтеру.
Адыраспан өсімдігінен әр түрлі ауруларға ем болатын дәрілік шөптерді дайындау.
Зерттеудің негізгі кезеңдері:
- Бірінші кезең: оқулықтар мен жұмыс, қосымша материалдар көзін іздеу.
- Екінші кезең : жинақталған материалдарды қорыту, жүйелеу.
- Үшінші кезең: зерттеу жұмыстарын жүргізу арқылы нақты нәтижелерге келу.
Зерттеу әдістері: жинау,талдау,сараптау
Алынған мәліметтер негізінде автордың қорытындысы:
Жұмысты орындау кезінде халықпен байланыса отырып,дәрілік өсімдіктер, адыраспан туралы жазылған кітаптардан,газет-журнал материалдарынан пайдалана отырып,адыраспанның емдік қасиеттерін,ем болатын ауру түрлерін анықтадым.Сонымен қатар адыраспан өсімдігінің тұмау ауруына қарсы,темекі тартуды қойдыруға қолданылатын емдік қасиеттеріне зерттеу жұмыстарын жүргіздім.
Аталған жұмыстың іс-жүзінде қолданылуы:
1.Биология үйірмелерінде оқушылармен оқып,таныстыру.
2.Биология, география сабақтарында қолдану.
3.Биология, география пәндері бойынша сабақтан тыс шараларда пайдалану.