РЕЦЕНЗИЯ №86 – 30.09.2022 ж.
Жетісу облысы, Талдықорған қаласы, «№27 орта мектеп-гимназиясы» КММ география пәнінің мұғалімі А.Е. Молдақыновтың
«Географияны оқыту әдістемесінің даму тарихы, құрылымы» атты әдістемелік құралына
ПІКІР
«Географияны оқыту әдістемесінің даму тарихы, құрылымы» атты әдістемелік құрал үш бөлімнен тұрады: кіріспе, негізгі бөлім және қорытынды. Әдістемелік құралдың соңында пайдаланылған әдебиеттердің тізімі көрсетілген.
Автор негізгі бөлімді екі бөлімге бөліп қарастырады. Бірінші бөлімде географияны оқытуда оқу-құрал жабдықтарды пайдалану әдістемесінің ғылыми негіздері, география курсында пайдаланатын оқу-құрал жабдықтарын классификациялау мәселесі, география кабинетін жабдықтауға қойылатын талаптар сияқты мәселелер талқыланған. Екінші бөлім «Географияны оқытуда оқу-құрал жабдықтарымен жұмыс жасаудың әдістемесі» деп аталып, «Географияны оқытудың негізгі құралдарымен жұмыс істеу әдістемесі», «География кабинетіне қажетті оқу-құралдарын жасау», «Географиялық алаң және ондағы оқу-құрал жабдықтарымен жұмыс жасаудың әдістемесі» атты ішкі тараулардан тұрады.
География курсында оқу-құрал жабдықтарын пайдалану бiлiмнiң негiзгi көзi, олармен жұмыс iстеу барысында оқушылардың іскерліктері мен дағдылары қалыптасады.
География курсында оқу-құрал жабдықтарын пайдаланудың әдіс – тәсілдерін, үлгі-жоспарларын орта мектептің география пәнінің мұғалімдері пайдалануына болады.
«Alikhan Bokeikhan University» ББМ
педагогика және психология
кафедрасының меңгерушісі,педагогика ғылымдарының кандидаты: Н.К. Султанова